टोलपडोस समाचारदाता
जनकपुरधाम, २१ माघ ।
वनक्षेत्रबाट अवैध रूपमा रुख कटान गरेको आरोपमा सिरहाको लहान नगरपालिका–१४ का विशेश्वर यादवलाई डिभिजन वन कार्यालय सिरहाले आइतबार पक्राउ गरेको छ ।

लहान नगरपालिका–२४ स्थित वनक्षेत्रबाट अवैध रूपमा खयरको रुख कटान गरी जम्मा एक सय ४२ दशमलव ५९ क्युफिट काठ हानीनोक्सानी गरेको आरोपमा यादवलाई पक्राउ गरिएको डिभिजनल वन अधिकृत सुजितकुमार झाले जानकारी दिए ।

यादवलाई अनुसन्धानका लागि डिभिजन वन कार्यालय सिराहाको हिरासतमा राखिएको छ ।

पक्राउ परेका यादवमाथि वन ऐन २०७६ को दफा ४९ अनुसारअनुसार वनक्षेत्रबाट वनपैदावार हटाएको कसुरमामा मुद्दा चलाइनेछ । सो कसुरमा एक वर्ष कैद वा बिगोेबमोजिम जरिबाना वा दुवै हुनसक्ने प्रावधान छ ।