एमाले महोत्तरीमा यादव प्यानल विजयी

२०८० माघ २७, शनिबार ११:२७
नेकपा एमाले महोत्तरीका नवनिर्वाचित अध्यक्ष बलराम यादवसँग विजयको खुसीयाली साट्दै नेकपा एमालेका केन्द्रीय सदस्य सरोजकुमार यादवलगायत । तस्बिर : सामाजिक सञ्जाल

टोलपडोस समाचारदाता
जलेश्वर, २७ माघ ।
एक दशकभन्दा बढी समयपछि भएको नेकपा (एमाले) महोत्तरीको निर्वाचनमा बलराम यादव प्यानलसहित जिल्ला अध्यक्ष पदमा निर्वाचित भएका छन् । एकभन्दा अधिक आकांक्षीले उम्मेदवारी फिर्ता लिन नमानेपछि भएको निर्वाचनमा अन्य पदमा समेत अध्यक्ष यादव पक्षधर नै विजयी भएका छन् ।

पार्टीको छैंटौं जिल्ला अधिवेशनक्रममा जिल्ला कार्यसमितिको निर्वाचन भएको हो ।

निर्वाचन अधिकृत उद्धवबहादुर क्षेत्रीका अनुसार अध्यक्षमा यादवले दुई सय ५९ मत ल्याएका छन् । उनका निकटतम् प्रतिद्वन्द्वी शिवचन्द्र सिंंहलाई एक सय ५५ मत प्राप्त भएको छ ।

यादव प्यानलकै अम्बिकाप्रसाद गौतमले दुई सय ३७ मत ल्याई उपाध्यक्षमा र दुई सय २८ मत हासिल गरी शम्भू ठाकुरले सचिवमा विजय प्राप्त गरेका छन् । दुई सय २३ मत प्राप्त गरी उपसचिवमा फेकन राम चमार र दुई सय ४२ मतबाट लेखा समिति अध्यक्षमा सूर्यप्रसाद सिंह कुशवाहा निर्वाचित भएका छन् ।

चार सय ३७ मतदाता रहेको नेकपा एमाले महोत्तरीको निर्वाचनमा चार सय २९ मत खसेका थिए ।

निर्वाचित कार्यसमिति सदस्यहरू

खुल्लातर्फ
१) गणेशबहादुर स्याङ्तान
२) चन्द्रबहादुर थापा
३) डाकराज पोखरेल
४) तेजबहादुर आले
५) फौदसिङ्ह स्याङ्वा
६) बाबुराम अधिकारी
७) विराटकुमार विष्ट
८) बेचुबहादुर बल
महिलातर्फ
१) जमुना पोखरेल
२) डोमाकुमारी विष्ट
३) सुशीलाकुमारी रविदास
४) इश्वरी परियार
युवातर्फ
१) उमेश खड्का
२) कल्याण रिसाल
जनजातितर्फ
१) मनिष समाल
२) धननारायण श्रेष्ठ
दलित खुल्ला तर्फ
१) चन्द्र बहादुर विश्वकर्मा
दलित महिला तर्फ
१) सुमित्रा लामगादे

तपाईको प्रतिक्रिया !

2021 Copyrights Reserved at Tol Pados

Maintained By PROTECH