विपिन यादव/टोलपडोस
जनकपुरधाम, ३० फागुन ।
सशस्त्र प्रहरी बलको गस्ती टोलीले सीमापार ओसारिँदै गरेको गाँजा बरामद गरेको छ । प्रस्तावित सीमा सुरक्षा गुल्म जटहीका डिएसपी श्यामकुमार कार्कीको कमान्डमा गएको टोलीले धनुषा मुखियापट्टी मुसहरनियाँ सीमाक्षेत्रमा गाँजा बरामद गरेको हो ।

नेपालबाट भारततर्फ झोलामा बोकी लैजाँदै गरेको अवस्थामा सशस्त्र प्रहरीको गश्ती टोलीले जाँच गर्न खोज्दा एक व्यक्तिले फ्याँकेको झोलामा ५–५ किलोका दुई प्याकेट गाँजा भेटिएका छन् ।

गाजा ओसारपसारमा संलग्न व्यक्ति सुरक्षा बललाई देख्नेबित्तिकै फरार भएको र बरामद भएको गाँजा इलाका प्रहरी कार्यालय लग्मा जटहीमा बुझाइएको सशस्त्र डिएसपी कार्कीले जानकारी दिए ।