पोखराबाट काठमाडौं उडेका दुई विमान जनकपुरमा

२०८० चैत्र २९, बिहीबार १६:४३
पोखराबाट काठमाडौं उडेका बुद्ध एयरका दुई विमान काठमाडौंमा मौसम खराबीका कारण डाइभर्ट भएर जनकपुर विमानस्थलमा अवतरण गरिएका छन् । ती दुई विमानसँगै जनकपुरबाट काठमाडौं उडान भर्न तयार रहेको बुद्ध एयरको थप एक विमान ।

टोलपडोस समाचारदाता
जनकपुरधाम, २९ चैत । मौसममा आएको खराबीका कारण पोखराबाट काठमाडौंका लागि उडेका दुई जहाज जनकपुर विमानस्थलमा अवतरण गराइएको छ ।

हावाहुरीसहितको भारी बर्खाका कारण काठमाडौंको मौसम प्रतिकूल भएपछि पोखराबाट काठमाडौंका लागि उडेका बुद्ध एयरका दुई विमान डाइभर्ट गरी जनकपुर विमानस्थलमा अवतरण गराइएको बुद्ध एयर जनकपुरका स्टेसन म्यानेजर विजयकुमार सिँहले बताए ।

खराब मौसमकै कारण जनकपुरबाट काठमाडौं विमानस्थलका लागि उड्ने तयारीमा रहेको बुद्ध एयरकै अर्को एक विमान जनकपुर विमानस्थलमै छ ।

बुद्ध एयर जनकपुरका स्टेसन म्यानेजर सिँहले मौसम अनुकूल हुनासाथ सबै विमान काठमाडौंका लागि उड्ने जानकारी दिए ।

तपाईको प्रतिक्रिया !

2021 Copyrights Reserved at Tol Pados

Maintained By PROTECH