जसपाको महाधिवेशनको कार्यतालिका सार्वजनिक
२०८१ बैशाख ३, सोमबार २१:४८
काठमाडौँ, ३ वैशाख(रासस) । जनता समाजवादी पार्टी, नेपालले पार्टीको राष्ट्रिय महाधिवेशन तोकिएकै मितिमा सम्पन्न गर्ने निर्णय गर्दै सोका लागि आवश्यक कार्यतालिका सार्वजनिक गरेको छ ।
जसपाका अध्यक्ष उपेन्द्र यादवको अध्यक्षतामा पार्टी कार्यालय बालकुमारीमा बसेको केन्द्रीय कार्यकारिणी समिति बैठकले महाधिवेशनका लागि पार्टीको सङ्गठित सदस्यतालगायत वैशाख ३ गतेभित्र सङ्कलन गरिएका अभिलेखमात्रै मान्य हुनेसमेत निर्णय गरेको छ ।
कार्यतालिका अनुसार वैशाख १० गतेभित्र सङ्गठन विभागले आवश्यकताअनुसार सङ्गठित पार्टी सदस्यतामाथि छानबिन गरी अभिलेख तयार गर्ने, सङ्गठित सदस्यतामा त्रुटि देखिएमा वैशाख १५ भित्र सच्याउनुपर्ने, १६ गते सङ्गठित सदस्यताको अभिलेख सार्वजनिक गरिनेछ ।
त्यसैगरी वैशाख १७ देखि २० सम्म सङ्गठित सदस्यतामाथि उजुरी गर्ने र २१ गतेदेखि २५ भित्र ती उजुरीमाथि छानबिन गरिसक्ने समय तोकिएको छ ।
सङ्गठित पार्टी सदस्यको अन्तिम नामावलीसहितको विवरण वैशाख २६ गते प्रकाशन गर्ने निर्णय भएको छ । वैशाख ३० गतेदेखि जेठ १० गतेभित्र राष्ट्रिय महाधिवेशन प्रतिनिधि निर्वाचन गरिसक्नुपर्ने तालिका सार्वजनिक गरिएको छ ।
यसैगरी, मधेस प्रदेश सरकारका पूर्वमुख्यमन्त्री लालबाबु राउतको संयोजकत्वमा राष्ट्रिय महाधिवेशन प्रतिनिधि चयन गर्नका लागि प्रतिनिधि निर्वाचनसम्बन्धी निर्देशिका तयार गर्न तीनसदस्यीय समिति गठन भएको छ । समितिका सदस्यमा शिवलाल थापा र मनिषकुमार सुमन ररहेका छन् ।
गत पुसमा जसपाको सम्पन्न केन्द्रीय समितिको बैठकले आगामी जेठ २७, २८ र २९ गते जनकपुरमा राष्ट्रिय महाधिवेशन गर्ने निर्णय गरेको थियो ।
सङ्गठित पार्टी सदस्यताको विवरण पठाउँदा पार्टी सदस्यता प्राप्त गरेको मिति छुट्न गएको वा उल्लेख नभएको खण्डमा त्यस्ता सङ्गठित सदस्यको सदस्यता प्राप्त मितिसहितको विवरण सम्बन्धित प्रदेश समितिलाई निर्देशन दिने र सम्बन्धित प्रदेशले सङ्गठन विभागमा यथाशीघ्र पठाउनुपर्ने जसपाले जनाएको छ ।
तपाईको प्रतिक्रिया !
जलवायु परिवर्तनको असर न्यून भए मधेश कृषि, उद्योग र पर्यटनमा अग्रणी बन्नेछ : मुख्यमन्त्री सिँह
२०८१ कार्तिक १०, शनिबार १९:१७
मुख्यमन्त्री सिँहका राजनीतिक सल्लाहकारमा यादव
२०८१ कार्तिक ७, बुधबार १८:५०
मधेश प्रदेशमा सरकार परिवर्तनको भ्रम छराइँ दुःखद : जनमत उपाध्यक्ष कुशवाहा
२०८१ कार्तिक ५, सोमबार २३:०१
जनताको सन्तुष्टि र विश्वास नै स्वास्थ्य संस्थालाई अब्बल बनाउँछ : मुख्यमन्त्री सिँह
२०८१ कार्तिक ४, आईतवार १९:०४
मुख्यमन्त्री सिँहले ध्यानपूर्वक सुने कलाकारका सङ्घर्ष, सिर्जना र सफलताका कथा
२०८१ कार्तिक ४, आईतवार १७:१० मुख्यमन्त्री सिँहका राजनीतिक सल्लाहकारमा यादव
२०८१ कार्तिक ७, बुधबार १८:५० मधेश प्रदेशमा सरकार परिवर्तनको भ्रम छराइँ दुःखद : जनमत उपाध्यक्ष कुशवाहा
२०८१ कार्तिक ५, सोमबार २३:०१ जनताको सन्तुष्टि र विश्वास नै स्वास्थ्य संस्थालाई अब्बल बनाउँछ : मुख्यमन्त्री सिँह
२०८१ कार्तिक ४, आईतवार १९:०४ मुख्यमन्त्री सिँहले ध्यानपूर्वक सुने कलाकारका सङ्घर्ष, सिर्जना र सफलताका कथा
२०८१ कार्तिक ४, आईतवार १७:१०
आन्दोलनका लागि तयार रहन सबै तहका संगठनलाई जनमत पार्टीको निर्देशन
२०८१ कार्तिक ४, आईतवार १६:३९
