काठमाडौँ, ७ चैत(न्युज कारखाना) । इन्डियन प्रिमियर लिग (आइपिएल) अन्तर्गत मुम्बई इन्डियन्सले पञ्जाव किंग्सलाई पराजित गरेको छ । गएराति सम्पन्न खेलमा मुम्बईले पञ्जावलाई ९ रनले पराजित गरेको हो ।

मुम्बईले दिएको १९३ रनको लक्ष्य पछ्याएको पञ्जावले १९.१ ओभरमा अल आउट हँुदै १८३ रन बनाएको थियो ।

यसअघि टस हारेर पहिला ब्याटिंग गर्दै मुम्बईले २० ओभरमा ७ विकेट गुमाउँदै १९२ रन बनाएको थियो ।

जारी आइपिएलमा मुम्बईको यो तेस्रो जित हो । ७ खेलमा ३ जित र ४ हारसहित ६ अंक बटुलेको मुम्बई अंकतालिकामा सातौं स्थानमा रहेको छ ।

त्यस्तै पञ्जाव किंग्सले भने पाँचौं हार बेहोरेको छ । ७ खेलमा २ जित र ५ हारसहित पञ्जावको ४ अंक रहेको छ र नवौं स्थानमा छ ।