टोलपडोस डेस्क
दोहा(कतार), १६ वैशाख ।

जनता समाजवादी पार्टी (जसपा) नेपालको भ्रातृ संगठन नेपाली समाज कतारमा ४३ जना युवा प्रवेश गरेका छन । शनिबार कतारको सनैयास्थित लालीगुराँस रेस्टुरेन्टको सभाकक्षमा आयोजित सङ्गठन प्रवेश कार्यक्रममा ४३ युवाले अन्य संगठन परित्याग गरी नेपाली समाज कतारमा प्रवेश गरेका हुन् ।

कतार भ्रमणमा पुगेका जसपा नेता एवम् मधेश प्रदेशका अर्थमन्त्री सञ्जयकुमार यादवले समाजमा व्यवसायी मोहम्मद तनबिर रेजा, समाजसेवी कलाम खान, चन्द्रवीर यादव, रामबाबु यादव, मेराजुद्दिनको अगुवाइमा प्रवेश गरेका शकिल अहमद, शेख आरिफ लगायत ४३ जनालाई स्वागत गरेका छन् ।

त्यस अवसरमा मन्त्री यादवले सही पार्टी चयन गरेको भन्दै नवप्रवेशीहरूलाई धन्यवाद दिँदै संगठनमा स्वागत गरे ।

कार्यक्रममा मन्त्री यादवलाई सङ्ग्ठनद्वारा खाँदा ओढाई प्रशस्तिपत्रसहित सम्मान व्यक्त गरियो । संस्थाका कार्यवाहक अध्यक्ष जयप्रकाश यादवको सभापतित्वमा सम्पन्न कार्यक्रम चन्द्रवीर यादवले सञ्चालन गरेका थिए ।