किशोरीको यौन तथा प्रजनन् स्वास्थ्य अधिकार सुरक्षित गर्न माग
२०८१ श्रावण ५, शनिबार २३:१७
काठमाडौँ, साउन(रासस) ।
महिला तथा किशोरीको यौन तथा प्रजनन स्वास्थ्य अधिकार सुनिश्चित गर्न माग गरिएको छ । संविधानप्रदत्त सो अधिकार सुनिश्चित गर्न राज्यले नयाँ नीति बनाउन र यसलाई कार्यान्वयन गर्न माग गरिएको छ ।
विशेषगरी लागुपदार्थ प्रयोगकर्ता महिला तथा किशोरी हिंसाको जोखिममा पर्ने जनाउँदै यसलाई अन्त्य गर्न राज्यले विशेष नीति तथा कार्यक्रम ल्याउन माग गरिएको हो ।
संयुक्त राष्ट्रसङ्घीय लागुऔषध तथा अपराध नियन्त्रण कार्यालय (युएनओडिसी), नेपाल परिवार नियोजन सङ्घ, दृष्टि नेपालको संयुक्त सहकार्यमा आयोजित यौन तथा प्रजनन् स्वास्थ्य अधिकार विषयक तालिमका सहभागीले लागुपदार्थ प्रयोगकर्ता महिला तथा किशोरी, एचआइभी सङ्क्रमित बढी मात्रामा हिंसामा पर्ने गरेको, अपहेलित हुनुपरेको र राज्यका तर्फबाट आफ्ना लागि बजेट विनियोजन नभएको गुनासो गरेका थिए ।
लागुपदार्थ प्रयोगकर्ता महिला तथा किशोरीहरूका लागि यौन तथा प्रजनन स्वास्थ्य अधिकार कसरी सुनिश्चित गर्ने ध्येयले आयोजित सो दुई दिने तालिममा सुरक्षित गर्भपतन, एचआइभी एड्स तथा यौन सङ्क्रमण, यसको जोखिम न्यूनीकरणका उपाय तथा सुरक्षित व्यवहारका बारेमा जानकारी पनि दिएको थियो ।
तालिममा विशेषगरी भर्खर लागुपदार्थ प्रयोग गर्न सुरुआत गरेका, एचआइभी सङ्क्रमित र यौनिक तथा लैगिक अल्पसङ्ख्यक पनि सहभागिता रहेको थियो । उनीहरूलाई नेपाल परिवार नियोजन सङ्घका सेवाप्रदायक चिकित्सक र विषयविज्ञद्वारा यौन तथा प्रजनन् स्वास्थ्य अधिकारका विविध आयामका बारेमा जानकारी प्रदान गरिएको थियो ।
तालिमको शुभारम्भमा युएनओडिसी रिना पाठकले महिलाको यौन तथा प्रजनन् स्वास्थ्य अधिकारलाई सुनिश्चित गर्न यस क्षेत्रमा लगानी बढाउन आवश्यक रहेको बताए । उनले भने, “महिला तथा किशोरीलाई हिंसाको जोखिम कम गर्न यस्ता तालिम महत्वपूर्ण हुन्छन् ।”
दृष्टि नेपालका अध्यक्ष परिना सुब्बाले लागुपदार्थ प्रयोगकर्ता महिला तथा किशोरीका लागि राज्यले विशेष कार्यक्रम ल्याउनुपर्ने बताए । उनले भने, “लागुपदार्थ प्रयोगकर्ता महिला तथा किशोरी, एचआभी÷एड्स सङ्क्रमित, तेस्रो लिङ्गीको यौन तथा प्रजनन स्वास्थ्य अधिकार रक्षा गर्नु आवश्यक छ ।”
सङ्घको सञ्चार तथा पैरवी अधिकृत जमुना सिटौलाले सामान्य अवस्थाका साथै विपद्का समयमा ती समुदाय अझ बढी हिंसामा पर्न सक्ने चर्चा गर्दै यस्ता समुदायलाई सेवाबाट वञ्चित हुन नदिन सचेतना आवश्यक पर्ने बताए । उनले भने, “त्यस्तो अवस्थामा कसरी कहाँ र कोसँग समन्वय गर्ने भन्ने पनि सूचना प्रदान गर्नुपर्छ, यस्तो अवस्थामा सङ्घद्वारा सञ्चालित हेल्पलाइन सेवामा सम्पर्क गर्नुपर्छ ।”
तालिमपश्चात् सहभागीको पाठेघरको मुखको क्यान्सर (स्क्रिनिङ), यौन सङ्क्रमण तथा अन्य सेवा सङ्घका केन्द्रीय क्लिनिकमा निःशुल्क उपलब्ध गराइएको थियो । सञ्चार तथा पैरवी अधिकृत सिटौलाले भने, “सङ्घले अब केही दिनभित्र लागुपदार्थ प्रयोगकर्ताको सुधारगृहमा गएर सचेतना साथै स्वास्थ्य शिविर आयोजना गर्न लागेको छ ।”
तालिममा सङ्घको निमित्त कार्यक्रम निर्देशक प्रमिज थापा, नर्स सत्या भण्डारी, सङ्घको काठमाडौँ उपत्यका शाखाका सदस्य रवि श्रेष्ठ, किरण मानन्धर, सङ्घको युवा शाखाका व्यवस्थापक प्रवीण खड्का, सङ्घका मेडिकल व्यवस्थापक डा ओम महर्जन, डा इलिजा अर्यालले तालिममा प्रशिक्षण दिएका थिए ।
तपाईको प्रतिक्रिया !
जलवायु परिवर्तनको असर न्यून भए मधेश कृषि, उद्योग र पर्यटनमा अग्रणी बन्नेछ : मुख्यमन्त्री सिँह
२०८१ कार्तिक १०, शनिबार १९:१७
मुख्यमन्त्री सिँहका राजनीतिक सल्लाहकारमा यादव
२०८१ कार्तिक ७, बुधबार १८:५०
मधेश प्रदेशमा सरकार परिवर्तनको भ्रम छराइँ दुःखद : जनमत उपाध्यक्ष कुशवाहा
२०८१ कार्तिक ५, सोमबार २३:०१
जनताको सन्तुष्टि र विश्वास नै स्वास्थ्य संस्थालाई अब्बल बनाउँछ : मुख्यमन्त्री सिँह
२०८१ कार्तिक ४, आईतवार १९:०४
मुख्यमन्त्री सिँहले ध्यानपूर्वक सुने कलाकारका सङ्घर्ष, सिर्जना र सफलताका कथा
२०८१ कार्तिक ४, आईतवार १७:१० मुख्यमन्त्री सिँहका राजनीतिक सल्लाहकारमा यादव
२०८१ कार्तिक ७, बुधबार १८:५० मधेश प्रदेशमा सरकार परिवर्तनको भ्रम छराइँ दुःखद : जनमत उपाध्यक्ष कुशवाहा
२०८१ कार्तिक ५, सोमबार २३:०१ जनताको सन्तुष्टि र विश्वास नै स्वास्थ्य संस्थालाई अब्बल बनाउँछ : मुख्यमन्त्री सिँह
२०८१ कार्तिक ४, आईतवार १९:०४ मुख्यमन्त्री सिँहले ध्यानपूर्वक सुने कलाकारका सङ्घर्ष, सिर्जना र सफलताका कथा
२०८१ कार्तिक ४, आईतवार १७:१०
आन्दोलनका लागि तयार रहन सबै तहका संगठनलाई जनमत पार्टीको निर्देशन
२०८१ कार्तिक ४, आईतवार १६:३९
